Park natur rannvroel Arvorig, asambles gant renerezh servijoù departamant an Deskadurezh stad a ginnig bep bloaz d’an holl skolioù a zo war e diriad kemer perzh e galv da raktresoù skol. Ar skolioù a lak o anv a labour ‘benn kaout titouroù war an tem, a ra anaoudegezh gant ar Park, a ra o jeu gant plijadur.
Un tem bep bloaz
Abaoe 2013, Park natur rannvroel Arvorig a ginnig da skolioù kentañ derez a zo war ar Park da gemer perzh e galv da raktresoù.
Bep bloaz e vez kinniget un tem a ro abeg d’ar skolidi da anavezout gwelloc’h an diorren padus ha d’ober al liamm etre an diorren padus hag o buhez bemdez. Un digarez eo ivez evit anavezout gwelloc’h labour ar Park.
Sikouret e vez ar c’hlasoù war dachenn ar bedagogiezh, roet ‘vez arc’hant hag e vez roet ivez un tamm sikour teknikel dezho.
Peadra a zo war dachenn ar park evit sevel abadennoù pedagogel e forzh peseurt diskiblezhoù, ar skiantoù, an istor, an douaroniezh, an arzoù, an deskadurezh keodedel hag all.
Evit kemer perzh
- Mezheven : Kaset ‘vez keloù d’ar skolioù dre lec’hienn an Deskadurezh stad
- Miz Gwengolo : kaset ‘vez keloù d’ar skolioù a zo war ar park. Ar skolioù a c’hell pellgargañ an teuliad war lec’hienn ar park.
- Penn-kentañ miz Du : echu gant an emstrivañ
- Miz Kerzu : kregiñ gant al labour
- Mezheven : Diskouez al labour graet e-pad ar bloaz e-kerzh un devezh e domani Menez-Meur